Младата Јоана Палани, која ја напушти родната земја Данска за да се бори во Сирија против терористите од Исламска држава, откри какво било искуството борејќи се во таа земја.
За терористите вели дека било лесно да се убијат припадниците на Исламска држава, додека војниците на претседателот Асад биле вистински машини за убивање. 23-годишната Палани се борела на страната на Курдите една година, а во разговор за Vice откри какви ужасни работи видела таму, пишува Independent.
Уште првата ноќ загинал нејзин колега од Шведска, убиен од снајпер. Во текот на борбите пронашла голема група на дечиња кои биле сексуални робови на терористите во село покрај Мосул.
Во интервјуто таа вели дека никогаш нема да се покае што заминала да се бори за правда на курдскиот народ.
„Курдите се борат за демократија и западни вредности. Ако ме фатеа или убиеја, ќе бев горда“, вели девојката. Таа додава дека е лесно да се убијат терористите бидејќи тие ги жртвуваат своите животи, но војниците на АСАД се добро обучени и делуваат како посебни машини за убивање.
За децата кои биле пронајдени во Мосул вели дека биле сексуални робови на терористите. Меѓу нив имало 11-годишно девојче бремено со близнаци.
Кога младата студентка по политички науки и филозофија се вратила во Данска пасошот ѝ бил одземен од полицијата. Била спречена повторно да замине, поради новиот закон за „странски борци“ кој спречува данските државјани да се придружат на терористички групи. Сега живее во Копенхаген, каде студира.
Јоана има курдско потекло, нејзините родители се бегалци кои заминале за Данска за да живеат нормален живот.
„Би го дала животот за Европа, за демократијата, за слободата и правата на жените. Се чувствувам предадено од оние за кои бев подготвена да го дадам животот. Во Сирија ме чекаа жени кои ги обучував. Ми го зедоа пасошот за да ме спречат да се вратам, заканувајќи ми се со затвор“, открива девојката.