Светот им се восхитува: Адетокунбо и Вембанјама одиграа партии за паметење

Ноќеска се одиграа 11 натпревари во НБА, а целиот кошаркарски свет зборува за тоа што го направија Јанис Адетокунбо и Виктор Вембанјама.

Во победата на Милвоки Бакс над Детроит Пистонс од 127:120 по продолженија, Адетокунбо постави сезонски рекорд за сите играчи во НБА оваа сезона.

Одличниот нигериски Грк постигна дури 59 поени и со тоа го доведе својот тим до победата. Интересно, ова не е личен рекорд на Адетокунбо, со оглед на тоа што минатата сезона против Индијана Пејсерс постигна дури 64 поени.

И додека Јанис не постигна личен рекорд, Вембанјама го направи тоа на исклучително импресивен начин.

Популарниот Вемби го одигра најдобриот натпревар во својата кратка, но спектакуларна кариера во победата на Сан Антонио Спарс над Вашингтон Визардс од 139:130.

Чудесниот Французин постигна 50 поени, што е негов личен рекорд, а постигна и рекордни 8 тројки за само 32 минути на теренот.

Вембанјама со 20 години и 314 дена стана најмладиот центар во историјата на НБА кој постигнал 50 поени и најмладиот кој постигнал дури 8 тројки на еден натпревар.

Исто така, тој стана четвртиот најмлад кошаркар воопшто откако се игра НБА лигата кој успеал да постигне 50 поени. Како помлади од него тоа им успеа само на Девин Букер, Леброн Џејмс и Брендон Џенингс.

Покрај тоа, Вемби стана најмладиот играч во историјата на НБА со најмалку 50 поени, 5 тројки и 2 блокади.

Секако, не треба да се спомене дека стана и рекордер на Сан Антонио Спарс и најмлад играч во тимот кој постигнал 50 поени во натпревар со пет тројки.

Резултати:

Орландо Меџик - Индијана Пејсерс 94:90
Бруклин Нетс - Бостон Селтикс 114:139
Њујорк Никс - Чикаго Булс 123:124
Оклахома Сити Тандер - Њу Орлеанс Пеликанс 106:88
Филаделфија 76ерс - Кливленд Кавалирс 106:114
Хјустон Рокитс - Лос Анџелес Клиперс 111:103
Милвоки Бакс - Детроит Пистонс 127:120 прод.
Сан Антонио Спарс - Вашингтон Визардс  139:130
Лос Анџелес Лејкерс - Мемфис Гризлис 128:123
Портланд Треил Блкејзерс - Минесота Тимбервулвс 106:98
Сакраменто Кингс - Феникс Санс 127:104

Табела: