Audi вчера преку олјан светска премиера ја претстави втората генерација на својата купе лимузина A7.
Новиот A7 има помодерен и подинамичен изглед на надворешноста во однос на претходникот, кој по седум години почна да покажува знаци на старост во поглед на дизајнот.
Одредени елементи како маската на ладилникот, фаровите и хаубата, дизајнирани се под влијание на концептот Audi Pologue, кој послужи како основа за новата генерација на најлуксузни имузини на германскиот прооизводител - А8, А7, а наскоро и новиот А6.
Силуетата на автомобилот е слична како на првата генерација, а голем новитет на задниот дел се стоп светлата во облик на LED лента која се протега по цела ширина на возилото.
На вратата од багажникот се наоѓа и интегриран спојлер кој автоматски се подигнува при брзини поголеми од 120 км/ч.
Разликите во однос на првата генерација се многу поголеми во кабината, која има значително помодерен дизајн, со помалку физички команди.
Наместо карактеристичниот дисплеј на допир кој во форма на таблет се наоѓаше на врвот од централната конзола, сега се поставени два екрани на допир, кои се вградени во централната конзола и се спуштени пониско, а со нивна помош се контролираат повеќето функции во автомобилот.
Audi A7 Sportback за 2018 располага со бројни најсовремени системи за асистенција на возачот, меѓу кои е и целосно автономниот систем за паркирање, на надворешни паркинг места или во гаража, како и за автоматско излегување од гаража.
Автомобилот е опремен со 5 радари, 5 камери, 12 ултразвучни сензори и ласерски скенер.
Новиот Audi A7 Sportback на почетокот ќе биде достапен исклучиво со 3.0 литарскиот TFSI V6 турбо бензинец со моќност од 340 КС и 500 Nm.
Моторот е поврзан со седумстепен S Tronic автоматски менувач кој овозможува автомобилот од 0 до 100 км/ч да забрзува за 5,3 секунди. Максималната брзина е електронски ограничена на 250 км/ч.
Набргу по почетокот на производството, освен овој мотор достапни ќе бидат цела палета бензинци и дизели.
Audi A7 Sportback ќе почне да се продава од февруари, а во Германија цената ќе почнува од 67.800 евра.
