Opel објави фотографии и видео од новата генерација на својот мал SUV, електричниот модел Mokka-e.
Германскиот произведувач во потполност го откри изгледот на новиот автомобил Mokka-е.
Втората генерација на овој модел сега има нов дизајн, нова предна маска и нови фарови.
Новиот дизајн на предниот дел е наречен „vizor“, а тој ќе се користи и на наредните модели на Opel.
Автомобилот добива електромотор од 136 коњски сили(100 kW) и 260 Nm. Батеријата има капацитет од 50 kWh. Максималната брзина на автомобилот е ограничена на 150 км/ч.
Батеријата на новата Mokka-e поддржува брзо полнење и може да се наполни до 80% за 30 минути.
Првите испораки се очекуваат на почетокот на 2021 година, а тогаш ќе биде позната и цената.