Британската репрезентативка во брзо лизгање, Елис Кристи, отвори профил на OnlyFans за да заработи за настап на ЗОИ.
Таа објавува разголени фотографии и видеа за претплата од 11 долари месечно, со цел да собере пари потребни за патување на Зимските олимписки игри во 2026 година.
Трократната светска шампионка не беше дел од ЗОИ во Пекинг 2022 поради повреда на лигаменти откако соопшти дека ќе се пензионира. Тоа го објави во интервју за BBC, а неколку месеци подоцна најави дека ќе се обиде да се избори за следните ОИ.
Според британските медиуми, патувањето мора да го финансира сама, па затоа и одлучила да заработува на OnlyFans.
Во кариерата има освоено вкупно 30 медали од европски и светски првенства, а најдобриот резултат на олимписките игри е единаесетто место.
Пред една година, познатата шампионка во брзо лизгање на 1.000 и 1.500 метри ја шокира Велика Британија со објавата на нејзината автобиографија во која призна дека била дрогирана и силувана на 19-годишна возраст, детално опишувајќи го тоа.