Денеска се одбележува Светскиот ден на животните, кој за првпат е одбележан на 4 октомври 1931 година на конвенцијата на еколози во Фиренца, за да се предупреди светот на загрозените животински видови.
Во тоа време овој ден се прославуваше како Свети Франциско Асишки, светецот кој е заштитник на животните и животната средина. Со текот на времето овој ден го загуби своето религиозно значење и веќе одамна претставува празник за сите љубители и заштитници на животните без разлика на верата и нацијата.
Со текот на време прерасна во настан посветен за грижа на сите животни.
Овој ден се одбележува во 68 земји ширум светот, првенствено за да се предупреди на проблемите со животните и да се подигне свеста во јавноста за односот на луѓето кон животните, во однос на фактот дека токму луѓето најмногу ги загрозуваат.
Загрозеноста на видовите се проценува според критериумите на Меѓународната унија за зачувување на природата.
Помеѓу видовите на животни кои се наоѓаат пред изумирање се морските желки, горилите, пандите, китовите, слоновите и тигрите.
Според податоците на Светската организација, секојдневно изумираат од 50 до 150 видови животни, за што најмногу е виновен човекот.