Светски познатата феминистка и теоретичарка Сара Ахмед ќе гостува на Викендот на гордоста – Скопје 2024

Дванаесеттото издание на Викендот на гордоста – Скопје ќе се одржи од 5 до 16 јуни на четири локации низ Скопје: Музејот на современа уметност, Станица 26, МКЦ и Театар Комедија.

Викендот на гордоста е фестивал за квир култура, уметност и теорија што создава простор за промоција на ненормативните форми на светообразување, односно, на односите, афектите, идентитетските позиции, телесните стилови и сензибилитетите што од хетеронормативниот, националистички и неолиберален капиталистички контекст се обележани како квир, ексцентрични и неуспешни.

Темата на фестивалот оваа година е ОСТАНУВАЈЌИ СО НЕЛАГОДНОСТА. Со оваа тема, ги истражуваме потенцијалите и формите на соживот, знаење, светотворење и општествена трансформација, кои може да произлезат од останувањето со нелагодноста, или неволјата, тешкотијата, проблемот, непријатноста, чудното, – како нешто што го опишува живеењето во кризни времиња, каде се скршени и изгубени нашите хегемониски, традиционални и здраворазумски алатки за навигација на животот и секојдневието.

Фестивалската програма започнува на 5 јуни во 19 часот во МСУ, со предавање на Сара Ахмед, на тема „Смарањето (Killing Joy) како квир проект“.

Вечерта ќе заврши со концертна промоција на новиот албум на СВЕТЛОСТ, насловен Everything Was As It Had Been a Minute Ago, која ќе започне во 21 часот на платото на МСУ. Овој настап, во соработка со Светлост и PMGJazz, ќе биде официјална промоција на албумот, издание на PMGJazz.

Сара Ахмед е независна феминистичка истражувачка и теоретичарка која работи на пресекот меѓу феминизмот, квир студиите и студиите за изучување на расите и е позната по испитувањето на моќта во секојдневниот живот и институционалните култури. Ахмед е позната по нејзините теоретски и истражувачки дела, како што се: Complaint! (2021), What's The Use? On the Uses of Use (2019), Living a Feminist Life (2017), Willful Subjects (2014), On Being Included: Racism and Diversity in Institutional Life (2012), The Promise of Happiness (2010) и Queer Phenomenology: Orientations, Objects, Others (2006).  Антологиско дело, The Cultural Politics of Emotion, во кое ги проучува општествената димензија и циркулацијата на емоциите, претставува фундаментално четиво во афективната теорија во зародиш.

 СВЕТЛОСТ се неидиоматско/импровизаторско трио од Скопје, составено од Кристијан Новковски (тапани), Нинослав Спировски (кларинет, сопран саксофон и тенор саксофон) и Дени Омерагиќ (бас, синтисајзери и електроника), препознатливи по спонтаниот уметнички израз и наджанровската естетика, и едни од најзначајните чинители на современата креативна сцена. На почетокот на тековната 2024 година се регрупираат со избистрен фокус и го создаваат најдлабокиот уметнички материјал досега, под името Everything Was As It Had Been A Minute Ago, инспириран од моменти на лична загуба, чувства на неприпаѓање, губење на верба во можностa за општествена еднаквост, сочувство со жртвите на новите војни и давидовска борба против голијатската капиталистичка машина. Овој настап, во соработка со Светлост и PMGJazz, е официјална промоција на овој албум.

Фестивалскиот постер, програма и зборник може да ги погледнете на следниот ЛИНК.

Фестивалот е во организација на Коалиција МАРГИНИ и ЛГБТИ Центарот за поддршка. Се реализира во партнерство со Медуза, ТрансФормА, Локомотива и Тииит! Инк., а блалгодарение на несебичната поддршка на Американскиот народ преку Агенцијата на САД за меѓународен развој (УСАИД), Heinrich Böll Stiftung, Министерство за култура на Република Северна Македонија, Фондација Отворено Општество Македонија, Friedrich Ebert Stiftung, Француската амбасада во Скопје и International Trans Fund.

реклама

6 симптоми дека имате дефицит на витамин Д во вашето тело

Read more

Како со диетата 80/20 може да слабеете додека ја јадете вашата омилена храна?

Read more

Грција во сè поголеми проблеми поради масовниот туризам

Read more

Илон Маск: Во иднината нема да има телефони

Read more

Култура

Отворен повик за мобилност на млади таленти од Западен Балкан на филмски фестивали

Read more

Објавен потесниот круг за регионалниот книжевен избор „Штефица Цвек“

Read more

Почесна „Златна рамка“ за Тони Михајловски, Владимир Анастасов и Марина Колоска

Read more

Златна рамка од 18 до 20 јуни во МКЦ: Нови македонски филмови, презентации, трибини

Read more
 

Вести

  • play_arrow

Крмов до Мицкоски: Дадете заклетва без Северна

Читај повеќе
  • filter

Грчката јавност револтирана: Огномет од јахта предизвика шумски пожар

Читај повеќе

Доларот зајакна, еврото ослабе

Читај повеќе

Трамп ги повика христијаните да гласаат за него: Само овојпат, после не ми е гајле

Читај повеќе

Времето сончево, попладне со услови за интензивен пороен дожд, ветер и град

Читај повеќе

Цените на нафтата се зголемија до 86 долари за барел

Читај повеќе

Сончево време со температури до 40°C, в понеделник краткотраен пороен дожд и грмежи

Читај повеќе

Како снема струја на Балканот?

Читај повеќе

Пресуда против најбогатото семејство во Велика Британија

Читај повеќе