Светскиот боксерски ИБФ шампион во мува категорија Сани Едвардс претепа интернет трол кој допатува од Лондон за да го предизвика на борба.
Едвардс, кој држи професионален рекорд од 18-0, беше предизвикан од италијанскиот аматерски борач Фабрицио Танга кој допатува од Лондон за да се соочи со светскиот шампион.
За Танга работите беа потешки од очекуваното, беше принуден да се повлече од борбата откако доби неколку жестоки удари. Иако Едвардс беше резервиран и не боксуваше со полна сила, на крајот сепак го победи противникот, кој со низа провокативни пораки на Твитер го натера на борба.
Едвардс подоцна го пофали Танга што воопшто се појави и откри дека борбата се случила во бизарни околности.
„Беше навистина лудо бидејќи го повикав ден претходно. Понудив да му платам сместување, да го одведам на ручек. Тој одби велејќи дека е болен. Потоа се појави по еден ден. Не ни требаше да тренирам, бев дома со децата, а човекот едноставно се појави пред мојата теретана во Шефилд. Му дадов неколку рунди и му покажав дека работата не е шега. Мина толкав пат, тоа е за почит. Луд е, но е добро момче“, изјави боксерот.
Љубителите на боксот го пофалија Едвардс бидејќи релативно лесно го победи Танга, додека други му оддадоа признание на Италијанецот бидејќи си го одржа зборот и се појави.