Македонската ракометна репрезентација на крилјата на новиот играч-селектор, легендата Кире Лазаров, имаше брилијантно огнено крштевање против актуелниот светски шампион Данска.
Во „Борис Трајковски“ салата во македонската престолнина Данците потфрлија уште на првиот натпревар како старо-нов светски шампион. За потсетување, тие нa 31 јануари на Мундијалот во Египет ја одбранија титулата светски шампион откако во финалето ја победија Шведска.
На почетокот од натпреварот Микел Хнасен прв постигна гол и тоа беше единствен пат кога Данците имаа водство. Македонците потоа направија пресврт и цело време одржуваа водство кое едно време во вториот дел гласеше и +8 (25:17 во 44. минута).
Одлична форма покажа голманот Никола Митревски која забележа 13 одбрани од кои три беа во првите 6 минути, клучно за воспоставувањето контрола на македонската репрезентација.
Најефикасен беше Хансен со 11 голови, додека кај македонскиот табор по 5 голови постигнаа Дејан Манасков, Филип Талески и Филип Кузмановски.
По 3 кола во квалификациската група 7 табелата изгледа вака:
- Македонија 6
- Данска 4
- Швајцарија 2
- Финска 0
Наредниот натпревар е всушност реваншот во Данска кој се игра в понеделник од 16 часот. Првопласираните две обезбедуваат пласман на завршницата во Унгарија и Словачка, како и најдобрите 4 третопласирани.