Светското првенство во 2034 година со 48 репрезентации би можело за прв пат во историјата да се одржи во јануари, пишуваат британските медиуми.
Тој турнир треба да го организира Саудиска Арабија, која е најголемиот фаворит за организатор бидејќи е единствена што достави кандидатура. Засега Светското првенство сѐ уште е предвидено да се одржи во јуни и јули, но во тој период од годината во овој дел од светот температурите надминуваат 40°C.
Покрај тоа, во тој период е Рамазан, верски празник кој го слават муслиманите ширум светот.
„Доколку саудиските власти не дозволат да не се одржи големиот верски фестивал, што се смета за малку веројатно, турнирот ќе се игра во јануари“, пишуваат Англичаните.
Извесно е дека ФИФА добро ќе ја анализира ситуацијата и веројатно ќе посегне по решение како пред две години кога Светското првенство во Катар го префрли во зимскиот термин.
Следното Светско првенство во 2026 година се одржува во Канада, САД и Мексико во 2030 година ќе се игра во Шпанија, Португалија и Мароко, а по еден натпревар ќе се игра во Уругвај, Аргентина и Парагвај со што ќе биде обележан јубилејот, 100 години од првиот Мундијал.
