Вкусен рецепт за сочни свински котлети со мед и лук со карамелизирани рабови кои се подготвуваат и за помалку од 15 минути. Нема потреба од маринирање на месото, а подготвено на овој начин сепак ќе биде сочно.
Доколку сте во потрага по некој нов рецепт за месо, завршете ја потрагата. Овој рецепт за свински котлети со мед и лук е толку едноставен што нема да верувате кога ќе биде готов. Нема потреба за маринирање, овој рецепт е неверојатно брз и вкусен. Најдобриот дел се крцкавите и карамелизираните рабови. Свинските котлети во сос од мед и лук на вашата трпеза ќе бидат за само 15 минути.
- 4 свински котлети (со или без коски)
- 1 лажичка лук во прав
- 2 лажици маслиново масло
- 1 лажица несолен путер
- 6 чешниња лук
- ¼ шолја мед
- ¼ шолја вода (или пилешки булјон)
- 2 лажици оцет
- сол
- бибер
Непосредно пред готвење котлетите зачинете ги со сол, бибер и лук во прав. Загрејте масло во тава. Пржете ги котлетите од двете страни додека не добијат златна боја (околу 4-5 минути за секоја страна). Префрлете ги во чинија. Намалете ја температурата на ринглата. Во истата тава растопете путер, додадете толчен лук и динстајте додека не замириса. Додадете мед, булјон и оцет. Зголемете ја температурата на средносилна и нека се крчка додека сосот не се намали и малку згусне, со повремено мешање. Вратете го месото во тавата, обилно прелијте го со сосот и пржете уште две минути. На крајот украсете со магдонос и послужете со варен ориз, пекарски компир или свежа салата.