На паркинг во близина на КОВИД-центарот во Неапол, утрово се отвори големо свлечиште во земјата, длабоко 20 метри, пропратено со звук на експлозија.
Тони земја, асфалт, камења и неколку автомобили паркирани таму пропаднаа во бездната.
На местото каде што се отвори свлечиштето има пожарникари кои заедно со кучиња трагачи се обидуваат да утврдат дали има луѓе меѓу пропаднатата земја и возила. Засега нема информации за повредени или евентуално исчезнати.
Свлечиштето и пропаѓањето на земјата оштетија кабли и цевки, затоа беше потребно да се евакуираат блискиот хостел, зградата во која беа сместени полесните пациенти со COVID-19, но централната болница и главниот КОВИД-центар не се оштетени или загрозени, па затоа продолжуваат да работат.
Властите ја исклучуваат можноста за намерна експлозија, а полицијата ги истражува причините за отворањето на свлечиштето. Во Неапол во последните неколку денови имаше обилни дождови.