Свршеницата на најдобриот фудбалер на светот Кристијано Роналдо и мајка на неговото најмало дете, за прв откри детали за нивната врска пред јавноста.
Иако имаше гласини дека ѝ бил неверен за време на бременоста, Георгина Родригез верува дека меѓу Роналдо и шпанската старлета немало ништо.
22-годишната Георгина од 2016 година е во фокус на јавноста.
Откако ја призна нејзината врска со Роналдо, таа престана да работи во продавница во Мадрид. Почна да работи како модел и сними неколку едиторијали, но сето тоа беше со краток век бидејќи за кратко време забремени.
Откако ја роди ќерката Алана Мартина таа вели дека не планира да работи, туку да се посвети на мајчинството.
„Одвај се договоривме за името на бебето. Тој сакаше да се вика Алана, а јас го сакав името Мартина, па се договоривме да ги споиме“, изјави таа за шпанското списание „Hola!“.
„Децата се наша најголема радост. Кога ќе станеме од спиење веднаш ги гушкаме и ги бакнуваме“, откри Георгина и додаде дека откако им се родило нивното заедничко дете, таа и Кристијано се уште посреќни и позаљубени.
Така таа го опишува нивниот однос, што според неа, ѝ ја вратил вербата во љубовта.
За сѐ останато таа вели дека се непроверени гласини што кружат околу најдобриот фудбалер на сите времиња.
Георгина со приказната за нивната љубов „ја затвори вратата“ за сите прашања околу сексуалната ориентација на Роналдо. Гласините за него се движат од една крајност во друга: дека е ноторен женкар до тоа дека е геј.
Се спомнува и моделот Ирина Шајк која беше во врска со него пет години, а за која се шират гласини дека ѝ плаќал за да му „глуми девојка“. Роналдо претходно со сурогат мајки ги доби синот Кристијано Џуниор и близнаците Ева и Матео.