Регионалниот директор на Светската здравствена организација за Европа, Ханс Клуге денеска изјави дека ширењето на болеста COVID-19 во Европа е многу загрижувачко и ги повика владите добро да размислат пред да започнат со ублажување на преземените мерки за да се спречи ширењето на вирусот.
– Драматичното зголемување на заразени од новиот коронавирус останува многу загрижувачка слика во Европа. Многумина од нас едвај чекаат да го прослават Велигден, но ова не е време да го спуштиме гардот. Мораме да се бориме, рече Клуге.
Во однос на коментарот на американскиот претседател Доналд Трамп дека СЗО е насочена кон Кина и дека ќе размисли да го укине нејзиното финансирање, Клуге рече дека во период на пандемија „не е време да се укине финансирањето“.
Над 687 илјади заразени со новиот коронавирус во Европа
Бројот на заразени со новиот коронавирус во Европа надмина 687.000, а над 62.000 лица починаа, изјави тој.
– Според податоците пристигнати до утрово, регистрирани се 687.236 случаи. Со жалење информираме дека досега 62.824 луѓе, изјави Клуге.