Светската здравствена организација ја одобри за итна употреба вакцината против COVID-19 на кинескиот производител на лекови Sinopharm.
Вакцината, една од двете кинески вакцини што веќе се дадени на стотици милиони луѓе во Кина и во странство, е исто така и првата вакцина против коронавирус одобрена од СЗО, а која не е развиена на Запад.
Исто така, СЗО за првпат одобри за итна употреба кинеска вакцина против заразна болест.
Фактот дека вакцината на Sinopharm е на списокот на СЗО на итни вакцини е сигнал до националните регулатори дека е ефикасна и безбедна и ќе овозможи да се вклучи во системот Ковакс, глобална програма за сиромашните земји.
СЗО досега одобри итна употреба на вакцините против COVID-19 развиени од Pfizer-BioNTech, AstraZeneca, Johnson & Johnson и Moderna.
