Светската здравствена организација (СЗО) соопшти дека луѓето треба да бидат поактивни и процени дека годишно би се избегнале до 5 милиони смртни случаи низ светот, не земајќи ја во обѕир пандемијата на коронавирусот, пренесе AP.
Здравствената агенција на ОН објави препораки за седење и нагласи дека секоја четврта возрасна личност нема доволно физички активности, а ситуацијата е дополнително комплицирана поради кризата со COVID-19, поради што луѓето минуваат повеќе време во затворени простории.
СЗО препорача неделно најмалку два и пол часа умерени до поинтензивни активности на воздух за возрасни и еден час дневно за деца и тинејџери.
Недостатокот на физички активности доведе до дополнителни трошоци на здравствена заштита од 54 милијарди долари годишно, плус дополнителни 14 милијарди долари на изгубена продуктивност, истакна СЗО.
