Светската здравствена организација (СЗО) соопшти дека забележан е нов рекорден број на заразени во еден ден – повеќе од 230.000 ширум светот за 24 часа.
На врвот на листата е Америка каде се регистрирани над 142.000 нови случаи на COVID-19. Следи Југоисточна Азија (33.173), Европа (18.804), Африка (17.884), источен Медитеран (15.361) и Западен Пацифик (2.156).
Најмногу заразени во еден ден се регистрираи во САД- здравствените власти пријавија 66.000 нови заразени во 24 часа.
Претходниот црн рекорд беше срушен во петокот, кога во светот беа забележани над 228.000 нови случаи на COVID-19.
Во целиот свет, од почетокот на глобалната пандемија (11 март) до денеска се регистрирани над 13.041.695 потврдени случаи на коронавирус.
Според страницата Worldometers од COVID-19 досега починале 571.660 луѓе, додека 7.578.093 се излекувале.
САД бележат и највисок број на смртни случаи во пандемијата -137.733.
На второ место по бројот на заразени и мртви е Бразил со повеќе од 1,8 милиони случаи и 72.100 смртни случаи.
Следува Индија со 879.466 заразени, Русија 727.116 заразени и Перу со 326.326 заразени.
Повеќе од 300.000 заразени лица уште имаат Чиле, Шпанија и Мексико, а на деветтото место е Велика Британија со 289.603 заразени лица. Јужна Африка е на 10-то место во светот по бројот на заразени со коронавирусот, со 276.224 случаи.
