Научниците се чекор поблиску до таблета која може да делува како вежбање.
Научниците велат дека се чекор поблиску до развој на таблета која може да ги имитира ефектите од вежбањето врз телото. Тие идентификуваа матична клетка во телото која се претвора во машина за складирање маснотии кога луѓето јадат висококалорична храна.
Откриле дека вежбањето може да го смени овој ефект и сега се надеваат дека откритието ќе биде искористено за да се најде лек кој ќе ги таргетира овие матични клетки и ќе ја постигне истата цел.
„Исклучително е важно да се разберат молекуларните механизми кои ги поттикнуваат корисните ефекти на вежбањето и штетните ефекти од исхраната со висока содржина на масти. Можеме да разбереме како можеме да интервенираме и да развиеме лекови кои го имитираат влијанието на вежбањето на повеќе ткива“, рече водечкиот автор на студијата, д-р Манолис Келис, од Технолошкиот институт во Масачусетс.
Но, може да поминат години пред ваквата пилула да се појави на полиците, па единственото нешто што останува засега се вежбањето и здравата исхрана.
Околу четири од 10 мажи и жени во САД се прекумерно дебели, што го чини здравствениот систем околу 173 милијарди долари годишно. Најмал процент на луѓе со прекумерна тежина, според Евростат, е регистриран во Италија (46 проценти), Франција (47 проценти) и Луксембург (48 проценти), но сепак е блиску до просекот на ЕУ. 65 отсто од возрасните Хрвати се дебели, што ги прави најдебелата нација во Европа.
