Оваа натпреварување можеби има репутација на весела манифестација, но тајната на победничките песни никако не е во разиграноста на мелодиите.
Експерти од „BBC“ направија анализа на звучните бранови на сите натпреварувачки песни од 2006 година со цел да одговорат на прашањето: Дали постои таен рецепт за победа на Евровизија?
Добиен е можеби и неочекуван резултат – меланхолијата и тоа како се продава: Дури во осум од последните 12 натпреварувања победничките песни биле потажни во однос на претходната година.
Минатогодишниот победник, Салвадор Собрал, според овие анализи, ја изведе најтажната победничка песна.
Песните на Евровизија секоја година стануваат се повеќе меланхолични, а овогодинешните натпреварувачи имаат за 30 отсто потажни нумери отколку оние во 2006 година.
Ако сепак верувате дека Евровизијата треба да биде исполнета само со весели тонови, надеж се уште постои.
Некои победници сепак успеваа тоа да го постигнат и со среќни звуци, како на пример Лена со песната „Satellite“ во 2010 година или победниците Лорди од 2006 година со песната „Hard rock hallelujah“.
Каде се веселите песни?
Тажните песни очигледно на Евровизија најмногу доаѓаат од централна и источна Европа, но работата станува многу повесела кога гледате далеку на исток и во Скандинавија.
Азербејџан, Словенија и Словачка се натпреваруваа со најтажните песни.
Додека песните на Андора се највесели од сите – но од 2006 година оваа земја забележа само четири настапи на Евровизија.
Турција и Украина исто така важат за весели натпреварувачи, но Турција нема учествувано во ова натпреварување од 2012 година.
Кој тоналитет доминира во песните на Евровизија?
Најчест тоналитет на песните во Евровизиите е Ц дур. 30 од 456 анализирани песни биле во тој тоналитет.
Сепак за победничка песна можеби е најдобро да одберете Д мол – „најтажниот од сите тоналитети“.
Тројца од последните 12 победници се одлучија за тој тоналитет: „Молитва“ (2007), Fairstyle (2009) и „Rise like a phoenix“ (2014).
Исто така, промената на тоналитетот не е толку ефективна тактика за победа како што може да изгледа.
Што е со темпото?
Кога станува збор за овој критериум, победниците користат се: Од „Молитва“ која има 77 удари по минута до „Running Scared“ со 172 удари по минута.
Андора во просек има најбрзo темпо од 177 удари по минута.
Можеби не постои прецизен бит кој ќе ви обезбеди слава на Евровизија, но се чини дека сепак постои темпо со кое дефинитивно не можете да постигнете значаен успех.
Четири песни во последната деценија кои имале брзина од 128 удари по минута, на крај завршувале или последни или претпоследни.
