Познатиот голфер Тајгер Вудс вчера ја доби пресудата откако беше обвинет за возење под дејство на опијати. Тој се изјасни како виновен, но тоа не беше доволно за поротата да реши дека треба да оди во затвор.
Тајгер Вудс доби условна казна од една година, откако вчера заврши судската постапка која траеше неколку месеци.
Голферот беше обвинет за возење под дејство на опијати (легални апчиња и марихуана), а и тој самиот се изјасни како виновен за делото. Освен тоа што признанието беше земено како олеснителна околност, тој на судот му кажа дека ќе се приклучи кон програмата за одвикнување од опојни супстанци и редовно ќе врши тестирања.
Доколку ја прекрши условната казна, Вудс ќе се најде во затвор најдолго до 90 дена.
Четириесетгодишниот Тајгер Вудс има освоено 14 значајни титули, но нема некој поголем успех од 2008 година.
