Крег Тајли, директорот на Австралија Опен, вели дека Новак Ѓоковиќ би можел да се појави во Мелбурн.
Тој во разговорот за SEN радио порача дека и понатаму се надева дека светскиот број 1 ќе учествува на првиот Грен слем сезонава.
Тајли, кој пред неколку дена изјави дека услов за учество на турнирот е тенисерите да бидат вакцинирани, верува дека Новак не сака да го пропушти големиот настан.
„Тој не споделува со јавноста дали е вакциниран и смета дека секој треба да има право на избор. Новак освои 9 титули на АО и сигурен сум дека ја сака и 10-тата. Има 20 слемови како Надал кој ќе учествува, исто и Роџер Федерер. Мислам дека Новак нема да сака да го пропушти овој рекорд на некој друг. Едно е сигурно: ако се појави во јануари, тоа значи дека е вакциниран“, рече Тајли.
Новак уште не се изјасни дали ќе игра во Мелбурн.
АО се одржува од 17 до 30 јануари.