Студентка од Санкт Петербург, која медиумите ја нарекоа „тајната ќерка“ на рускиот претседател Владимир Путин, вели дека ѝ се допаѓа да е во „центарот на вниманието“, откако беше објавено дека таа наводно е негово вонбрачно дете.
Јелисавета Владимировна Кривоногих (17), позната и како Луиза Розова, зборуваше за својот нов статус на социјалната мрежа Clubhouse.
Новинарот на BBC Андреј Закаров, кој ја откри приказната за „вонбрачната ќерка“, за руски „Проект“, ја праша Розова дали е ќерка на Путин, но девојkata го игнорираше прашањето, пренесува The Sun.
Нејзиниот профил на Instagram доби 96.400 нови следбеници откако медиумите објавија дека е ќерка на Путин.
„Не се трудам и никогаш не морам да се популаризирам. Навистина се чувствувам многу добро, не грижете се за мене. Животот ми оди добро и сè е во ред“, додаде тинејџерката.
Розова откри дека студира на Универзитетот во Санкт Петербург.
„Проект“ објави дека Јелисавета наводно е дете од аферата на Владимир Путин мајка ѝ Светлана Кривоногих (45), која, според руските медиуми била собарка и хигиеничарка пред да стане милионерка.
Таа наводно му била љубовница на Путин кон крајот на 90-тите и раните 2000-ти години. Кривоногих не одговори на овие обвинувања.
Откако се прошири веста за наводната вонбрачна ќерка на претседателот, портпаролот на Путин рече дека „тврдењата не се многу убедливи“.