Јапонците важат за еден од најдолговечните народи, а тајната за нивното добро здравје најверојатно се крие и во нивните секојдневни животни навики.
Дали сте знаеле дека Јапонците секојдневно пијат 3 до 4 чаши млака вода наутро, на празен желудник?
Оваа терапија со вода помага да се исфрлат токсините од желудникот и од цревата, но исто така го подобрува и дигестивниот тракт. Многу е важно да се применува наутро, на празен желудник.
Зошто? Затоа што се смета дека водата на собна температура наутро го подобрува слабеењето и помага во лекувањето низа здравствени проблеми.
Оваа терапија помага во ублажување на стресот и го одржува оптималното нивото на енергија во текот на денот. Јапонците сметаат дека во зависност од тегобите, терапијата со вода треба да се спроведува во различни периоди.
Така, 10 дена е потребно да пиете вода за да ги решите проблемите со тврдата столица, 30 дена за да го регулирате зголемениот крвен притисок и слично.
Докажано е дека доволното внесување вода може да спречи појава на главоболки и создавање песок или камења во бубрезите.
Кои други животни навики ги имаат Јапонците?
1. Секој ден пешачат најмалку по еден час.
2. Секоја вечер, пред да си легнат, прават гаргара со топла вода во која има малку сол.
3. Избегнуваат да јадат и да пијат додека стојат.
4. Храната бавно и убаво ја џвакаат пред да ја проголтаат, бидејќи го олеснува варењето.
