Свет

Тајните служби ги следеле комуникациите на патниците во текот на летовите

8. декември 2016 - 10:20 | Макфакс

Со програмите на тајните служби на САД и на Велика Британија следени се телефонските разговори на комерцијалните летовите на неколку воздухопловни компании, меѓу кои и на „Air France“, објави дневниот весник Le Monde врз основа на податоци  добиени од Едвард Сноуден.

„Користењето на мобилните телефони со интернет врска во текот на летот беа следени преку специфичната програма на NSA, како и на (британската) GCHQ (Government Communications Headquarters)“, пишува Le Monde.

Весникот се повикува на документ на GCHQ во кој се наведува дека 27 воздухопловни компании им дозволиле на патниците да користат мобилни телефони, или на тоа се подготвувале, меѓу кои се „British Airways“, „Hongkong Airways“, „Aерофлот“, “Etihad“, „Emirates“, „Singapore Airlines“, „Turkish Airlines“, „Cathay Pacific“ и „Lufthansa“.

Според Le Monde, еден документ на NSA наведува дека 100.000 лица ги користеле мобилните телефони во текот на летото во 2009 година, и дека прислушувањата не се однесувале само на повиците, туку и на сите видови комуникации, како СМС ,електронска пошта и сурфање на интернет.

Ваквото собирање на податоци е наречено „Летачка страчка“ и „Гулаб писмоносец“.

Од германската агенција „Lufthansa“ одбиле да дадат коментар, се забележува во написот.

Коментирај