Поранешната американска манекенка синоќа го прослави својот 48. роденден, а за таа прилика на својот Instagram профил сподели фотографија која промовира „body positivity“ гордо покажувајќи ги своите облини.
Водителката на емисијата „Dancing with the Stars“ ги почести своите следбеници со сончеви фотографии во едноделен костим за капење на кои се гледа нејзиното не толку слабо тело, а Бенкс последните години нагласува дека не ѝ пречат вишокот килограми.
„Денес ми е роденден! И секоја година моето тело продолжува да се менува“, напиша Бенкс во саботата покрај објавените фотографии.
„Моето тело е пополно, а исто така и мојот ум“, продолжи манекенката, пред да им посака среќен роденден на „сите колеги стрелци“.
Бенкс неодамна ги изненади корисниците на социјалните мрежи со тегет фустан со драматична јака што некои го споредија со чудовиште од Паркот Јура.
Појавувајќи се на „The Late Late Show“ неколку дена подоцна, таа му кажа на водителот Џејмс Корден дека нејзините стилисти не биле свесни за тоа како изгледала пред да излезе на сцената.
„Постојано велев дека изгледам како паун откако го облеков фустанот, а мојот стилист постојано се смееше“, му кажа Бенкс на Корден.
„Потоа видовме споредби со Паркот Јура на социјалните мрежи“, додаде таа.
„Мојот стилист рече: 'Да, знаевме дека изгледаш како гуштер пред да започне ревијата', откри таа.
Претходно истата недела, водителот на „America's Next Top Model“ ја спореди масивната јака со крилјата на Victoria's Secreta: „Има основа за тој фустан. Изгледа како нормален, прекрасен фустан од 90-тите. Потоа излегов на сцената пред публика и облеков 'крилја'. И сите беа изненадени“.
