Мајк Тајсон изјави дека борбата против Евандер Холифилд ќе се одржи, иако менаџерот на Холифилд рече дека договорот пропаднал.
Тајсон неодамна се бореше со Рој Џонс Џуниор на 54-годишна возраст и беше одличен на егзибициониот натпревар.
После натпреварот во ноември, менаџерите веднаш започнаа со организирање на борбата помеѓу Тајсон и Холифилд.
Тимот на Евандер Холифилд откри дека Тајсон одбил дури 25 милиони долари за овој натпревар, а Холифилд рече дека овој натпревар ќе ги зацврсти нивните кариери и достигнувања.
Мајк Тајсон неодамна изјави дека не се согласува со условите на тимот од Холифилд и дека нешто мора да се промени, но дека борба ќе има.
Тој сега го потврди ова во живо обраќање преку Instagram.
„Сакам сите да знаат дека борбата меѓу мене и Холифилд ќе се одржи. Тој е скромен човек и човек кој верува во Бога, но јас сум човек Божји“, рече Тајсон во свој стил.
Холифилд има 58 години и двапати го има победено Тајсон. Прво го нокаутираше во 1996 година во 11-тата рунда, а една година подоцна Тајсон му откина парче од увото во четвртата рунда.
Борбата е закажана за 29 мај и ќе се одржи во Мајами на стадионот „Хард рок“.
