Мајк Тајсон (58) минатиот месец се бореше во својот прв професионален меч по речиси 20 години.
Но, колку и да воодушевуваше пред борбата со својата фантастична форма и физичка трансформација што ја покажа на тренинзите, разочара во рингот со непрепознатливо очајниот настап.
Џејк Пол (27), јутјубер и инфлуенсер, со одлука на судиите го победи Тајсон по осум рунди.
Еден од најдобрите боксери на сите времиња сега откри: „Всушност не се сеќавам на борбата. Малку и се онесвестив. Се сеќавам на почетокот на втората рунда, Џејк правеше нешто... (Пол тогаш му се поклони на Тајсон), не разбрав точно. Тоа е последниот настан од борбата на кој се сеќавам“.
Тајсон додал кои се неговите единствени спомени од борбата: „Не се сеќавам колку беа силни ударите на Џејк. Но, целото тело ме болеше по борбата. Градите ми беа многу воспалени, чувствував болка и во стомакот. Ѝ кажав на жена ми кога се разбудив утрото по борбата: 'Зошто се борев?' Не знам што се случуваше, по ѓаволите“.
Инаку, борбата требаше да се одржи во јуни, но Тајсон ја одложи. По мечот со Пол, тој откри зошто: „За малку ќе умрев во јуни. Имав осум трансфузии на крв. Во болница изгубив половина крв и 11 килограми и морав да се борам за да бидам здрав за борбата, па победив и покрај поразот“.
