Легендарниот Мајк Тајсон за седум дена повторно ќе влезе во рингот, а по долги 20 години ќе има нов професионален меч против дури 31 година помладиот Џејк Пол.
Вчера дуото се потсети како изгледало кога воопшто се појавила идејата за организација на мечот.
„Кога прв пат контактирав со Мајк, тој ми рече дека може, дека тоа е одлична идеја. Ми рече дека многу му се допаѓа. Според мене, тоа е кога човек ќе се отвори за енергијата на универзумот, но и кога ќе одлучи да постапи во согласност со тоа“, рече Пол.
Тајсон потоа се уфрли велејќи дека верува дека Џејк ужива во неговата моментална положба во животот.
„Добро за него. Го правев своето кога ме повикаа за тој меч, уживав во животот. Пушев многу трева и бев на многу печурки, уживав во животот, правејќи го она што го сакам. И покрај тоа што тој е мала и безначајна личност, тоа запали оган во мене, сигурен сум дека е исплашен“, порача Тајсон.
Дали самодовербата на Тајсон е (пре)висока и оправдана ќе дознаеме следната недела.
