Во пожар кој во текот на ноќта ја зафати станбена зграда на југот на Тајван загинаа 25 лица, а повредени се десетици, според соопштение на локалните власти кои велат дека бројката на починати се очекува да расте, пишува Washington Post.
Околу 3 часот изутрина пожарот ја зафатил целата зграда од 13 ката, соопштија од пожарната единица на градот Каосиунг. Биле пронајдени најмалку 11 тела на починати кои веднаш биле однесени во мртовечница, додека 14 лица кои не покажувале знаци на живот заедно со 55 повредени се однесени во болница.
Засега не се познати причините за пожарот, според изјава на очевидци на настанот околу 3 часот утрото се чул звук на експлозија.
Според соопштението, зградата е стара околу 40 години, со продавници во приземјето и на ниските катови. Пожарот e изгаснат и во тек е истрага за инцидентот.