Талибанците повикуваат на меѓународна помош откако разорниот земјотрес со јачина од 6,1 степени според Рихтеровата скала опустоши дел од земјата.
Според последните податоци на BBC, повеќе од 1.000 луѓе загинаа, а најмалку 1.500 се повредени, но непознат број се затрупани под урнатините, стравувајќи дека бројот на жртвите може да биде многу поголем.
Земјотресот ја погоди југоисточната провинција Пактика, а ОН се обидуваат да обезбедат итно засолниште и помош во храна.
Спасувачките напори се отежнати поради силниот дожд и недостатокот на средства.
Спасувачките напори вклучија хеликоптери за транспорт на повредените и испорака на лекови и храна, рече претставникот на Министерството за внатрешни работи Салахудин Ајуби:
„Бројот на загинатите веројатно ќе се зголеми бидејќи некои села се во оддалечените планински области и ќе биде потребно извесно време за да се соберат податоци“.
Преживеаните и спасувачите изјавија за BBC за целосно уништени села во близина на епицентарот на земјотресот, уништени патишта и стравувања дека бројот на жртвите дополнително ќе се зголеми.
Најсмртоносниот земјотрес што ја погоди земјата во последните две децении е голем предизвик за Талибанците, исламистичко движење кое ја врати власта минатата година по падот на владата поддржана од Западот.
Авганистан е во средина на хуманитарна и економска криза, а Абдул Кахар Балхи, висок талибански функционер, рече дека владата финансиски не е во состојба да им помогне на луѓето до степенот што им е потребен.
„Помошта треба значително да се зголеми бидејќи ова е разорен земјотрес каков што земјата не доживеала со децении“, додаде тој.
Водачот на Обединетите нации, Антонио Гутереш, рече дека агенцијата е целосно мобилизирана поради катастрофата. Здравствени тимови, медицински материјали, храна и засолништа за итни случаи се на пат кон зоната на земјотресот, соопштија претставници на ОН.
Земјотресот погоди област на околу 44 километри од градот Коста во југоисточен Авганистан, а епицентарот бил на длабочина од 51 километар, соопшти USGS. Бил почувствуван на околу 500 километри во Пакистан, Авганистан и Индија, соопшти Европскиот медитерански сеизмолошки центар (EMSC).
Фотографиите во авганистанските медиуми покажуваат куќи претворени во урнатини додека телата завиткани во ќебиња лежат на земја.
Земјотресот беше најсмртоносниот од 2002 година. Епицентарот бил на околу 44 километри од југоисточниот град Коста, во близина на границата со Пакистан, соопшти Американскиот геолошки институт (USGC).
