Талибанската влада во Авганистан забрани емитување серии во кои глумат жени, а телевизиските новинарки мора да ја покриваат главата со шамија.
Странува збор за осум нови правила кои се однесуваат на телевизиските канали. Забрането е и емитување филмови за кои се смета дека ги прекршуваат шеријатските прописи и авганистанските вредности.
Не се дозволени комични и забавни емисии кои се оценети како навредливи за Авганистанците.
Талибанците веруваат дека странските филмови исклучиво промовираат странски култури и затоа не треба да се прикажуваат. Досега во оваа земја најчесто се прикажуваа серии во кои во главните улоги беа жени.
Членот на новинарската организација Хуџатула Муџадеди рече дека новите правила се неочекувани. Посочи дека поради нив многу телевизиски куќи ќе престанат со емитување.
Талибанците претходно им забрануваа на жените да одат на училиште и да работат. Тврдат дека се работи за привремена забрана, додека училишната и работната средина, како што наведоа, не бидат безбедни за нив.
Новите правила се уште еден удар кон правата на жените во Авганистан чии животи се свртеа за 180 степени по доаѓањето на власт на талибанците.
