Скопје, 16 мај 2019 (МИА) – Оваа година одиме чекор понапред. Тамара Тодевска со песната „Proud“ („Горда“) обезбеди место во финалето на 64. Евровизија, што се одржува во Тел Авив, Израел.
Покрај Тамара во финалето влегоа и претставниците на Холандија, Албанија, Шведска, Русија, Азербејџан, Данска, Норвешка, Швајцарија и Малта.
Тамара Тодевска во полуфиналето настапи под реден број 17, а публиката застана на нејзина страна веднаш по изведбата на песната. Таа собра огромни аплаузи и изгледаше како никој да не е изненаден од нејзиниот пласман во финалето.
Финалето на овогодинешниот Евросонг ќе се одржи во сабота.
