„Седумтемина пациенти од Гостивар, кои се хоспитализирани на Инфективната клиника, се во стабилна состојба“, информира министерот за здравство, Арбен Таравари.
Таравари, кој се наоѓа во посета на САД, информира дека вчера, по смртните случаи, веднаш се состанала Комисијата за заразни болести и се преземени соодветни мерки.
„Останатите седум луѓе кои се хоспитализирани се во стабилна состојба и надвор од секаква опасност“, рече Таравари.
Инаку, денеска се очекува да биде познато од што починале двајцата мажи на возраст од 23 и 50 години. Лекарите се сомневаат во повеќе заразни болести кои се пренесуваат преку животни, меѓу кои хеморагична треска и туларемија.
