Велшанецот Нил Тејлор на вчерашниот натпревар против Ирска со брутален лизгачки старт му ја скрши ногата на ирскиот капитен Шејмус Колман.
Италијанскиот судија Никола Рицоли веднаш му покажа црвен картон на Тејлор кого сигурно го очекуваат уште санкции за ваквиот неспортски потег.
„Ова е многу тешка ситуација за него, ама и за нас. Тешко ни е. Добро го познаваме и веруваме дека од ова ќе се врати уште посилен. Сега најважно е да бидеме покрај него“, рече ирскиот репрезентативец Џон О’Шеа по натпреварот што заврши 0:0.
Ирскиот капитен денес беше на операција за двете скршеници на десната нога.
Иако не е објавено колку време ќе му треба за закрепнување, се очекува 28-годишниот Колман да не настапува најмалку шест месеци.