Американецот Ксавиер Тејмс и кошаркарскиот шампион на Македонија МЗТ Скопје Аеродром спогодбено ја раскинаа соработката.
Тејмс имаше уште една година од договорот кој го потпиша минатата сезона, но желбата на Американецот била да го напушти тимот.
Откако Управата на МЗТ не успеала да го убеди Тејмс да остане во Скопје, Американецот ја уплатил цената на обесштетувањето на сметката на клубот и станал слободен играч.
Тејмс кариерата ќе ја продолжи во Израел во екипата на Бнеи Херцлиа.
