Колумбиската пејачка Шакира гради ѕид за да го одвои својот имот од поранешната свекрва бидејќи нивните куќи се поврзани во некои области.
Камерите на една шпанска телевизија снимија мешалка за цемент како работи во близина на домот на славната пејачка.
Нејзиниот бизарен потег наводно го шокирал семејството на Пике, а вештерката набиена на метла прва била забележана од мајка му, која побарала куклата да биде отстранета, што пејачката одбила да го направи. Некои медиуми, пак, целиот овој случај го нарекуваат „шпанска сапуница“.
Минатата недела Шакира објави песна за Пике во која зборува за неговата измама. За само два дена песната собра над 86 милиони прегледи на YouTube и го собори рекордот како најстримувана латиноамериканска песна на оваа платформа во тој период.
Дополнително, се шпекулира дека Шакира ја открила аферата на Пике поради празна тегла со џем од јагоди. На интернет кружат гласини дека поп-ѕвездата дознала за изневерувањето на нејзиниот поранешен партнер откако ShowNews Today објави дека Пике, како и нивните деца Саша и Милан, не сакаат џем.
Ова е само продолжение на драмата за неверството на Пике, која се чини и двајцата ја користат максимално за публицитет и освојување на симпатиите на фановите.
Пике ја исмеа Шакира и нејзината најнова песна во која е директно критикуван за аферата со 23-годишната Клара Чиа Марти.
На TikTok беше објавена видеоснимка на која фудбалерот доаѓа на работа во Twingo, автомобилскиот бренд кој Шакира го употреби во песната како метафора за новата девојка на Пике.
@kingsleague ¡El presi ya está aquí! Todo listo para la #kingsleaguej3 ! #kingsleague #InfoJobs ♬ sonido original - Kings League
The Sun пишува дека Пике платил околу 9.000 евра за неговиот нов автомобил.
„Вредам колку две 22-годишни. Смени Ferrari за Twingo, смени Rolex за Casio“, пее Шакира во новата песна, алудирајќи на многу помладата девојка на бившиот, кој пак веднаш се пошегува дека станал заштитно лице на брендот Casio.
Шакира и Пике се разделија лани во јуни. Набргу потоа Пике беше фотографиран со Клара Чиа, вработена во неговата продукциска куќа. Иако фудбалерот одбиваше да дава изјави за новата романса, двајцата беа видени заедно неколкупати, а подоцна беше откриено дека нивната афера трае од 2021 година.
