Хроника

Телото на исчезната жена од Драчево најдено во Вардар

17. февруари 2019 - 12:57 | МИА

Идентификуван е женскиот труп што вчера околу 13 часот беше најден и изваден од водите на Вардар кај мостот во Горно Лисиче.

Починатата е идентификувана како 38-годишната Д.П. од Драчево, потврди МВР за МИА.

Телото вчера беше предадено на обдукција и врз него не се најдени траги на насилство.

По скопјанката Даниела П. се трагаше од понеделникот, 11 февруари, кога нејзиното исчезнување во полициската станица во Драчево го пријавил нејзиниот сопруг.

Коментирај