Научно-фантастичниот филм „Tenet“ на Кристофер Нолан заработи над 250 милиони долари на глобалниот бокс-офис. Но, во САД филмот се бори за дополнително внимание за да привлече публика.
Филмот заработи 4.7 милиони долари во третиот викенд од прикажувањето, со што заработи 36.1 милион долари во Северна Америка. „Tenet“ е со буџет од 200 милиони долари.
Околу 70 проценти од киносалите се отворени низ САД, а продуцентите се оптимисти дека гледаноста на филмот ќе се зголеми и покрај пандемијата со коронавирусот
За разлика од „Tenet“, популарноста на „Mulan“ продолжува да се намалува. Во Кина филмот заработи 6.5 милиони долари во вториот викенд од прикажувањето или вкупна заработка од 36 милиони долари. Филмот заработи 57 милиони долари на светско ниво.
„The New Mutants“ заработи 1.6 милиони долари во четвртиот викенд на прикажување, доволно за да се најде на второто место на бокс-фисот во Северна Америка. На светскиот бокс-офис, филмот досега заработи 35 милиони долари.
Викендов се одржа само една филмска премиера, станува збор за шпионскиот трилер „Infidel“, кој заработи 1.5 милиони долари во 1.724 киносали и се најде на трето место.
На четврто место е трилерот „Unhinged“ со Расел Кроу, кој во петтиот викенд на прикажување заработи 1.3 милиони долари или 15.7 милиони долари низ светот.
