Романската тенисерка Ирина Бегу (63. ВТА) вчера се пласираше во 16. финалето на Ролан Гарос со победата над Русинката Екатерина Александрова (31. ВТА), но предизвика скандал за време на мечот кога фрли рекет кон публиката и расплака дете.
Ирина збесна поради својата лоша игра, па го фрли рекетот кој за жал се одбил и заврши во публиката.
Тогаш се слушнал плач на вознемирено дете, кое во таа прилика не било погодено.
Иако на паузата се чинеше дека Романката ќе биде дисквалификувана, по разговорот со супервизорот таа беше само опомената.
На крајот, судијата не ѝ го одзеде ни гемот, а многу корисници на социјалните мрежи останаа шокирани од ваквата одлука и се потсетија на српскиот тенисер Новак Ѓоковиќ, кој беше дисквалификуван од УС Опен поради фрлање топче пред две години.
Ирина губеше со 2:0 во моментите на инцидентот во третиот сет, а потоа направи пресврт и славеше со 2:1 во сетови (6:7, 6:3, 6:4).
Во осминафиналето на Ролан Гарос ќе игра против Французинката Леолија Жанжан, инаку 227. на ВТА листата.