Растечките тензии меѓу Кина и Тајван може да доведат до одложување на паметниот телефон iPhone 14 на Apple.
Apple е главниот клиент на TSMC, компанија која ги доставува своите чипови на Pegatron во Кина, каде што се склопуваат телефоните iPhone. Откако претседателката на Претставничкиот дом на САД, Ненси Пелоси, го посети Тајван, следеа остри реакции од Кина, а ситуацијата меѓу двете страни стана уште понапната.
Покрај тоа, кинеската комунистичка партија го забрани споменувањето на Тајван и Република Кина во документите за испорака, што значи дека некои хардверски компоненти може да бидат вратени назад во Тајван, што ќе резултира со одложување на производството на iPhone 14.
Заменик-претседател на Pegatron и претставници на TSMC беа видени со Пелоси за време на нејзината посета на Тајван, така што сето ова може да значи почеток на жестока трговска војна меѓу кинеската Комунистичка партија и Тајван, меѓу кои американските компании, вклучително и Apple.
Исто така, Apple веќе е во разговори со тајванските партнери и побара отстранување на ознаките Made in Taiwan и Republic of China.
Значи, има смисла што изворите на познатиот аналитичар Мин-Чи Куо тврдат дека некои единици од 6,1-инчниот iPhone 14 ќе ја напуштат фабриката на Foxconn во Индија.
Оваа ситуација настана во најлош можен момент за Apple бидејќи претставувањето на iPhone 14 е многу блиску, а се шпекулира и за проблеми со квалитетот на производството на екранот и камерите на iPhone 14 Pro Max.
