Вежбањето во теретана е одлично за вашето здравје и за обликување на телото, но ретко помислуваме на опасноста што демне на овие места. Фитнес центрите и теретаните се „плодна почва“ за бактерии што може да предизвикаат сериозни инфекции.
Хигиената е една од првите работи што треба да ја проверите пред да се зачлените во теретана, а за секој слсучај, лекарите советуваат како да избегнете контакт со бактерии:
Одбегнувајте директен контакт со другите вежбачи
Стафилококата е една од најопасните бактерии што се закануваат од теретаните што ги користат многу луѓе. Оваа бактерија лесно се пренесува, особено преку потта. Ако имате мала гребаница и дојдете во контакт со потта на човек што ја има бактеријата, последиците може да бидат сериозни. Затоа, држете се подалеку од испотени луѓе.
Секогаш носете своја простирка за јога
Простирките за вежбање исто така се „плодна почва“ за бактерии, кога ќе се земе предвид комбинацијата на пот, валкан под и местото каде се чуваат кога не се користат. Користењето заеднички простирки или уште полошо, пешкири, е најдобар начин да се заразите со габична инфекција, лишаи или други инфекции на кожата.
Носете влечки кога се туширате и преоблекувате
Туш-кабините и гардеробите во теретаните се потенцијално тло за пренесување бактерии. Тоа не значи дека не треба да се туширате или дека треба да си заминете со испотената облека на себе, туку дека треба да се заштитите соодветно. Сведете го допирот на гола кожа со плочките на минимум.
Носете два пешкири
Ова сигурно веќе го знаете, но не е лошо да го повториме: Носете два пешкири: едниот за бришење на потта од лицето и телото, а другиот постелете го на опремата за вежбање пред да ја користите. Којзнае, можеби тој што вежбал пред вас нема теретански бон-тон.