Премиерното прикажување на „Terminator: Dark Fate“ донесе заработка од 29 милиони долари, што беше доволно лесно да го освои бокс-офисот во Северна Америка. Дури и со Џејмс Камерон како продуцент, а Линда Хамилтон и Арнолд Шварценегер во главните улоги, филмот не успеа да привлече публика.
Третиот обид за оживување на „Terminator“, во режија на Тим Милер, не успеа како претходните два филма пред неколку децении. „Terminator“ стана метафора сам по себе, додека режисерите се обидуваат да прават различни работи само за да се соочат со крајниот резултат, „Judgment Day“ е неизбежен. Холивуд изгледа уште не може да сфати дека публиката која не е љубител на научна фантастика има малку интерес за дополнителни „Terminator“ филмови. Фактот за тоа дека публиката во 1984 година и 1991 година „полуде“ по „Terminator“ и по „Terminator 2: Judgment Day“ не значи дека има интерес за дополнителни филмови или продолженија.
На второто место се најде Joker, со заработка од 14 милиони долари во петтиот викенд од прикажување. На трето место е „Maleficent: Mistress of Evil“ со 12,2 милиони долари.
Премиерното прикажување на „Harriet“ се најде на четврто место, со заработка од 12 милиони долари. На петтото место се најде „The Addams Family“, со заработка од 8,5 милиони долари.
Вака изгледа листата на филмови со најголема заработка во изминатиот викенд:
1. Terminator: Dark Fate – 29 милиони долари
2. Joker – 14
3. Maleficent: Mistress of Evil – 12,2
4. Harriet – 12
5. The Addams Family – 8,5
6. Zombieland: Double Tap – 7,3
7. Countdown – 5,9
8. Black and Blue – 4
9. Motherless Brooklyn – 3,6
10. Arctic Dogs – 3 милиони долари.