За време на тренинг-возењето во пресрет на натпреварот WRC Croatia Rally, околу 12:40 часот возило излетало од локалниот пат 2201 во Лобор, кај Златар.
Возачот со предниот лев крај удрил во дрвена бандера и починал на лице место, а сопатникот не бил повреден, информираат од ПУ Крапино-Загорска. Загинатиот е ирскиот возач Крег Брин, кој возеше за тимот на WRC Hyundai и беше блиску до врвот во конкуренцијата.
Се огласија од Hyundai Motorsport, одделот на јужнокорејскиот производител на автомобили што се занимава со мотоспорт.
„ Hyundai Motorsport со длабока тага потврди дека возачот Крег Брин го загуби животот денеска во несреќа за време на тестот пред WRC Croatia Rally. Совозачот Џејмс Фултон не беше повреден во несреќата што се случи по пладне по локално време. Hyundai Motorsport упатува најдлабоко сочувство до семејството на Крег, пријателите и неговите до многубројните фанови“, велат од Hyundai и додаваат дека во овој момент нема да даваат дополнителни коментари.
Од ПУ Крапинско-Загорска велат дека немаат други информации за несреќата.
Полициската истрага е во тек.
На местото на настанот има неколку полициски возила.
Крег Брин беше искусен рели возач, тој дебитираше во WRC уште во 2009 година, минатата сезона го освои вкупно седмото место во Светскиот шампионат, додека по првите три трки оваа година беше на шестата позиција на СП. Во текот на кариерата осум пати се искачи на подиумот на Светскиот куп, последен пат во февруари годинава кога го освои второто место во Шведска, а победи на 30 брзински тестови на релито WRC.
Брин учествуваше и на првите две изданија на Croatia Pally бидејќи оваа трка беше вклучена во календарот на WRC, во 2021 година го освои осмото место, а минатата година четвртото.
