По претставувањето на новиот електричен камион на Tesla, Елон Маск неочекувано претстави и нов електричен спортски автомобил од Tesla.
Маск вели дека Roadster е најспортскиот електричен автомобил кој до сега го има направено Tesla. Втората генерација на Roadster беше долго најавувана и е наследник на првата генерација, која се произведуваше од 2008 до 2012.
Новиот електричен модел со две врати има динамичен дизајн и изразен спортски изглед, а и неговите перформанси се импресивни.
Новиот Roadster забрзува од 0 до 96 км/4 за неверојатни 1,9 секунди, а од 0 до 160 км/ч за само 4,6 секунди. Максималната брзина на автомобилот изнесува 400 км/ч.
Автомобилот има автономија на возење од речиси 1.000 километри со едно полнење, а капацитетот на погонските батерии е 200 kWh.
Со обзир дека претставува голем чекор напред во однос на првата генерација, новиот Tesla Roadster ќе биде и значително поскап во однос на претходникот. Цената ќе почнува од 200.000 долари, а за да резервираат примерок, купувачите ќе мора да платат депозит од 50.000 долари.
За оние кои ќе сакаат нешто повеќе од „стандардната” верзија, Tesla ќе понуди ограничена серија од 1.000 примероци со ознака Roadster Founders Series, која ќе се продава по цена од 50.000 долари.
Датумот на стартот на продажбата уште не е познат.
