Tesla, компанијата за производство на автомобили на Илон Мaск, се искачи на врвот на листата на највредните производители во 2020 година.
Според пазарната вредност, таа ја надмина Toyota и стана највредниот производител на автомобили во светот. Toyota е на второто место, додека Tesla е повеќе од двојно вредна од Volkswagen.
Најновите податоци покажуваат дека Илон Маск повторно го зазеде врвот. Пазарната вредност на Tesla сега е околу 184 милијарди американски долари, што е за 4,3 милијарди повеќе од Toyota.
Tesla исто така е повредна од Coca-Cola, Disney, Cisco, Merck и ExxonMobil.
Во изминатата година, акциите на Tesla пораснаа за речиси 350 проценти, достигнувајќи проценета вредност седум пати поголема отколку во исто време минатата година. Многумина сè уште сметаат дека компанијата на Маск е преценета, со оглед на количината автомобили испорачани во светот.
Многумина сметаат дека Tesla е технолошка, а не автомобилска компанија. Во изминатите 12 месеци, заклучно со 31 март 2020 година, Tesla испорача нешто помалку од 400.000 електрични возила во светот.
Сега на берзата во Њујорк има само 19 компании кои се повредни од Tesla.