Tesla Model Y со седум седишта се спомнуваше уште пред да биде официјално претставен таков модел на електричен автомобил.
Сега конечно се приближува моментот кога автомобилот ќе го добие третиот ред седишта. Според најавите од компанијата, производството на оваа верзија на Model Y ќе започне следниот месец, а првите автомобили ќе им бидат доставени на клиентите во текот на декември.
Опцијата за додавање на трет ред седишта ќе чини 3.000 американски долари. Цените за Model Y се движат од околу 50.000 долари па нагоре. Сепак, со оглед на тоа дека се работи на подобрување на организацијата во рамките на компанијата, се очекува да се намалат трошоците за производство, а со тоа и вкупната цена на производот.
Поголемата варијанта, Model X, веќе нуди трет ред седишта. Сепак, моделот Y е помал и има помалку простор, па затоа ќе биде интересно да се види како тие седишта се сместени во автомобилот. Во секој случај, овие дополнителни седишта можат да бидат дополнителна причина да се купи Model Y, бидејќи тоа ќе биде најмалиот (електричен) СУВ со толку многу седишта.
