Tesla Model 3 беше најпродаваниот електричен автомобил во февруари во земјите од Европската Унија.
Најевтиниот модел на американскиот производител на електрични автомобили, компанијата Tesla, минатиот месец стигна до 5.405 сопственици во ЕУ, покажуваат податоците објавени од JATO Dynamics.
На второ место според бројот на продадени возила е Volkswagen ID.3 со испорачани 3.557 автомобили, додека трет е Renault Zoe со продадени 3.547 единици.
Четврти е електричниот Peugeot 208 (3.047), а петти е електричниот Kia Niro (2.642).
Меѓу десетте најбарани електрични автомобили во Европската Унија се Volkswagen e-Up!, Hyundai Kona Electric, новиот FIAT 500 електричен, Smart EQ ForTwo и Peugeot e-2008.
Иако пазарот за нови автомобили во ЕУ падна за 20% во првите два месеци од 2021 година, продажбата на електрифицирани возила (на батериски погон и plug-in хибриди) скокна за 67% во споредба со истиот период во 2020 година.
Овие две категории возила учествуваат со 13,6% во пазарниот удел во 2021 година, додека во истиот период во 2020 година тие држеа само 6,5% од пазарот на нови автомобили.
Продолжете да читате: Golf веќе не е најпродаван во ЕУ