Американскиот произведувач на автомобили, Tesla, работи на спроведување на планот за тоа, својата четврта фабрика да ја изгради во Европа.
Како што пренесува „Wall Street Journal“, челниците на Tesla разговараa со властите во Германија и Холандија, околу евентуална изградба на погон во една од овие две земји.
Во Tesla првобитно извршија прелиминарни разговори со претставниците на двете споменати држави, за да ја пронајдат локација за фабриката, во која би се произведувале автомобили и батерии.
Медиумите пренесуваат дека преговорите се во почетна фаза, па и понатаму не е сигурно дали ќе биде постигнат договор.
Извршниот директор на Tesla, Елон Маск, во јуни на Twitter напиша дека примарната цел на компанијата е да изгради европска фабрика во Германија, во близина на земјите од Бенелукс.
Ако Tesla навистина се одлучи за таква локација, погонот ќе се надополнува со инженерското одделение, кое е во сопственост на американската компанија, а кое се наоѓа во германското гратче Преум.
Tesla храбро влегува во плановите за изградба на нова фабрика, иако се уште не е завршена целосно првата во САД.
И покрај тоа, компанијата минатиот месец постигна и договор со владата на Кина за изградба на трета гигафабрика во Шангај.
Kомпанијата, покрај ова, работи и на електричен шлепер, камионет и електричен хиперавтомобил.
Според тврдењата на Маск, Tesla е на добар пат да забележи позитивен прилив на пари оваа година, иако пред само неколку месеци им се закануваа нови финансиски проблеми.