Американската компанија за производство на електрични возила Tesla соопшти дека продала повеќе од еден милион автомобили.
Од производната лента на компанијата на Елон Маск на 10 март излезе автомобилот со реден број 1.000.000, што беше возило од моделот Tesla Model Y, а кумулативната продажба најверојатно надминала 1 милион возила во средината на април.
Тоа значи дека Tesla стана прва компанија во историјата на автомобилската индустрија која успеала да продаде милион електрични возила ширум светот. Колку за споредба, Nissan има продадено над 500.000, а кинеската BYD Auto е на бројка над 370.000 продадени електрични автомобили.
Се проценува дека Tesla ќе ја надмине бројката од 2 милиони продадени автомобили во период од 18 до 24 месеци и дека годишниот производен капацитет ќе изнесува 800.000 автомобили.
