Американската компанија за електрични возила Tesla продолжува со мерките за штедење.
Компанијата ја укинува програмата за препораки со која постојните сопственици на Tesla возила може да им дадат на пријателите код со препорака со кој добиваат шест месеци бесплатно користење на мрежата за полнење Supercharger.
Програмата ќе заврши на 1 февруари, соопшти сопственикот на Tesla Елон Маск преку Twitter.
Според последниот квартален извештај, Tesla го пријави првиот профит после две години и објави нето профит од 311,5 милиони долари.
Tesla ја почна програмата за препораки во 2015 година со цел да ги претвори првите муштерии во еден вид референти за продажба.
Новиот купец добива убава поволност, а оној што ја дал препораката добива различни награди, како домашна батерија Powerwall. А Tesla само го зголемува бројот на муштерии.
Низ годините, програмата помина низ неколку верзии, а во последно време наидоа на проблеми со нереализирани награди и неискористени кодови.
